ازاي تحافظ على تليفونك في درجات الحراره العاليه

6 طرق للحفاظ على تلفونك في حر الصيف ☀️🔥

1- اول حاجة شيل التلفون في جيبك في يوم حر زي النهاردة، علشان ياخد فرصة يبرد.

2- ارجوكم  بلاش تسيبو التلفون في السيارة نهائي، الحرارة ممكن توصل ل 50° درجة داخل السيارة لو مركونة في الشمس، في حين ان ابل بتنصح بدرجة حرارة لا تتعدا 45° للأي فون.

3- حاول تستخدم جراب يكون فية فتحات من الخلف وتجنب الجرابات الجلد لانها بتحفظ الحرارة اكثر من اي خامة ثانية.

4- تجنب شحن التلفون تحت اشعة الشمس المباشرة ☀️ او تحت المخدة 😁! ، طبيعي الموبايل بيسخن اثناء الشحن وحرارة الشمس المباشرة هتضيف سخونة زيادة ممكن تضر الموبايل والبطارية.

5- ياريت محدش يحط التلفون في التلاجة او الفريزر، او يغسلة بمياة لو سخن 🚱 ! التغير المفاجئ في درجة الحرارة ممكن يكون رطوبة داخل الموبايل 💦 ، وكمان الأيفون مش ضد المياة 100%، الافضل يتقفل ويتساب في مكان بارد لحد الحرارة متنزل تدريجي.

6- الالعاب زي ببجي وفورت نايت 🎮 ، بتسخن التلفون في الحالات العادية و في الصيف هيكون استهلاك البطارية مرتفع اكثر، ممكن استخدام مروحة صغيرة لخفض الحرارة في حالة اللعب لفترات طويلة.